Popular Music: 林海峰 - 傻婆

    林海峰(Jan)反傳統以新歌《傻婆》歌頌老婆彭羚,向來只有阿Jan帶領潮流,今次借用中國人氣畫家岳敏君的招牌“大笑口”來宣傳,又一次反其道而行。

    阿Jan越玩越大,由伊館到會展“是但噏”,到今日為新碟跳到紅館舞臺開“是但噏求其大合唱”。阿Jan更親手操刀寫首《傻婆》來向老婆傳情達意,但阿Jan卻死口不認:“這首歌并非只是講老婆,是用來歌頌我身邊重要的人,由公司上司、同事、助手、化妝、老婆和兩個女兒,圍住我的全部都是女人,就寫了首歌。”阿Jan稱不會再唱當年《只因喜歡你》的肉麻情歌,怕肉麻到嚇死自己,嚇死大家。

    雖然首歌叫《傻婆》,實質阿Jan是口不對心,“像罵她,其實是贊她”,他笑言:“純粹是覺得‘傻婆’兩個字發音適合就填上去。”歌詞中有甜蜜到爆的“千億個就愛你一個”,亦不乏借歌向太太認錯,因貪高興搞到闖了禍。問到太太彭羚對首歌的反應如何時,阿Jan則言:“她沒看過歌詞,其實很久沒有試過拿工作和太太分享,是我少在家,就算有都是你有你生活,我有我忙碌,在家撞到就問候一下對方。”與太太溝通少,難怪阿Jan要憑歌寄意。


作曲:陳奐仁
填詞:林海峰

歌詞

全世界有邊一個最傻 傻就我要請佢吔燒鵝 傻婆
望見就佛有火 啲單寄畀我 就有賴你幫助 似個秘書包搞妥
話肚餓就有call 即刻餵飽我 夜半賀我一賀 嚟碟餸跟湯老火
落雨仲去踢波 波衫臭得我 就似毒氣災禍 你冇計點都攬我
做到攰就有火 邊位按摩我 全靠係你用對手咪咪嚤嚤
好 老細我放工 我約晒老友去放鬆
好 放到我過晒鐘 冇嘢攝攝你半個鐘
我叫你到你實出嚟 喂你冇嘢你畫乜眉
你有肚腩我要你減肥 次次借你嚟去出氣
傻婆 點解你仲要去忍我 仲會氹番我 換轉我即刻扯晒火
傻婆 點解你仲要去跟我 成世要跟我 換轉我轉個身早撇咗
夏季就靚女多 貪高興玩過 就算係我闖禍 你當冇睇到聽過
做嘢做到冧咗 即使跌低過 係你為我嚟唱首溫馨K歌
好 你有你發功 最怕你唱到喊到腫
我冇錫到你燶 冇買嘢送過你 送個風
次次你嗌要食曲奇 我嗌老細叫碟蘇眉
當你冇到 我係揸旗 冇氹過你仲成日激你
傻婆 點解你仲要去忍我 仲會氹番我 換轉我即刻扯晒火
傻婆 點解你仲要去跟我 成世要跟我 換轉我轉個身早撇咗
全世界有邊個最傻唔及你一個
傻嘅我要請你吔燒鵝
傻婆 點解你傻到咁鬼錯 成世冇好過 全世界醫生都怕咗

傻婆 千億個就愛你一個 係我最識貨 就算我知你short咗
傻婆 呢一心就要你一個 傻嘅襯番我 傻到敢伸手畀我拖
傻婆 聽聽吓又要喊乜喎 傻嘅喊乜喎 傻到你咁喊一餐瞓咗

下載:林海峰 - 傻婆

POST byNichole at 23:01

0 Comments: Subscribe This Comments(Atom)

Random Related Topic Refresh Related Topic
Random Related Topic Loading...