錯字才女又出書 Stephy教整餅逃避寫字

CrimsonRain.Com 錯字才女又出書 Stephy教整餅逃避寫字 鄧麗欣(Stephy)今年在書展推出錯字百出的愛情小說《陪著我走》,才女形象盡毀,未知 Stephy是否不欲再被冠以污名,所以改出教人整甜品的烹飪書,起碼不用執筆寫字,賣靚樣賣甜品就不怕失手。

鄧麗欣於今年書展推出愛情小說《陪著我走》時,被揭發全書 33頁中竟出現逾百錯字,事後她死撐是用了普通話拼音輸入法才出現錯誤,但才女形象盡毀,緊接更被指會考中文科僅得一分,其後接受英文傳媒訪問時又露餡被揭英文水皮,似乎未有好好打好根基。

未知 Stephy是否見過鬼怕黑,對寫書心存芥蒂,所以她退而求其次改出教人整甜品的烹飪書《心甜》,只賣靚樣和精緻甜品,相信就不擔心會再被人捉錯字,昨日她到銅鑼灣為下月推出的《心甜》拍攝封面照,不過現場就只見 Stephy單拖上陣,未有男主角在場,她笑言自己拍照可以令大家有幻想的空間。問到緋聞男友方力申有否親嘗過她炮製的甜品蛋糕, Stephy直認小方品嚐過,不過一提到是否有送上心形蛋糕給小方時, Stephy即說:「佢就想,唔會咁易整心形,不過以前讀書時都有送過心形蛋糕畀男友,而家屋企都冇心形模,只得內斂啲嘅款。」

Bid唇印廚師帽

提到死敵傅穎( Theresa)有否試食過 Stephy的甜品時, Stephy說:「有,以前一齊住有整過曲奇餅,唔記得佢有冇讚,自己嗰時都冇整得咁叻,近呢幾年先整多啲,我唔知佢鍾唔鍾意整甜品,如果佢鍾意都會送本書畀佢,不過我哋?家都冇乜搵(大家)。」此外, Stephy將會為購買新書的讀者送上驚喜,並考慮將印有其唇印的廚師帽放上網給讀者競投,更計劃將籌得善款捐出去做慈善。
CrimsonRain.Com 錯字才女又出書 Stephy教整餅逃避寫字 單拖上陣宣傳的 Stephy自言可增加幻想空間
CrimsonRain.Com 錯字才女又出書 Stephy教整餅逃避寫字 Stephy昨日以一身廚師 look出現谷新書。
CrimsonRain.Com 錯字才女又出書 Stephy教整餅逃避寫字 Stephy自爆方力申嚐過她炮製的甜品蛋糕
CrimsonRain.Com 錯字才女又出書 Stephy教整餅逃避寫字 Stephy雖然被彈中英文程度欠佳,不過仍然冇有怕繼續做才女出書。

POST byNichole at 11:19

0 Comments: Subscribe This Comments(Atom)

Random Related Topic Refresh Related Topic
Random Related Topic Loading...